Nanhi Pari…

Pari Hai Koi Nanhi Si,
Khwabon Mein Roj Aati Hai,
Bholi Si Hai, Pagli Si Hai, Bas Pyaar Wo Jatati Hai,
Dil Ke Aaine Mein, Chupke Se Utar Jaati Hai,

Sharmati Hai, Ghabrati Hai,
Milne Se Wo Katrati Hai,
Baatein Karti Hai To, Chhup Chhup Ke,
Duniya Se Kuch Chhupati Hai,
Pari Hai Nanhi Si Koi, Chupke Se Dil Mein Utra Jaati Hai,

Door Hin Rehti Hai Mujhse,
Wo Paas Kabhi Nahi Aati Hai,
Masoom Hai, Bholi Si Hai,
Par Sabko Bada Satati Hai,
Pari Hai Nanhi Si Koi, Chupke Se Dil Mein Utra Jaati Hai,

Hansti Hai Yun Madhur Jaise,
Bansi Koi Bajati Hai,
Chalti Hai Yun Sambhal Sambhal Ke,
Chham Chham Payal Chankati Hai,
Pari Hai Nanhi Si Koi, Chupke Se Dil Mein Utra Jaati Hai,

Chanchal Hai Yun, Koi Titli Jaise,
Paas Jaon To Ud Jaati Hai,
Aankhon Ke Ik Ishare Se hin,
Dil Me Veena Ke Taar Chhed Jaati Hai,
Pari Hai Nanhi Si Koi,
Dil Ke Aaine Mein, Chupke Se Utar Jaati Hai,

 

Copyright 2011 © amitprem’s literature